scrool

പ്രിയ വായനക്കാർക്ക് തുറന്ന ജാലകത്തിലേക്ക് സ്വാഗതം. ഇവിടെ എൻറെ കുറച്ച് അനുഭവങ്ങളും എനിക്ക് കിട്ടിയ അറിവുകളും നിങ്ങൾക്ക് വേണ്ടി ഞാൻ പങ്കുവെക്കുന്നു.

Sunday, July 7, 2013

പുണ്യ മാസമായ റംസാന്‍




ലോക മുസ്ലിം സമൂഹം പുണ്യ മാസമായ റംസാന്‍ മാസത്തില്‍ കൂടി സഞ്ചരിച്ചു കൊണ്ടിരിക്കുകയാണ്. റംസാന്‍ മാസത്തിലെ നിര്‍ബന്ധ നോമ്പ് മതത്തിൻറെ പഞ്ചസ്തംഭങ്ങളില്‍ലെ ഒരു ആരാധന ക്രമമാണ്. എന്നാല്‍ നമസ്‌കാരം, സക്കാത്ത്, ഹജ്ജ്,തുടങ്ങി മറ്റു ആരാധന കര്‍മ്മങ്ങള്‍ പോലെ പ്രത്യക്ഷത്തില്‍ കാണാന്‍ സാധിക്കുന്ന ഒരു ആരാധന കര്‍മ്മമല്ല നോമ്പ്. അതുകൊണ്ടാണ് അല്ലാഹു വിശുദ്ധ ഖുര്‍ആനിലുടെ വിശ്വാസികളോട് ആജ്ഞാപിച്ചത്, നോമ്പ് എനിക്കുള്ളതാണ്, ഞാനാണ് അതിനു പ്രതിഫലം നല്‍കുന്നവനെന്നും. മറ്റു മാസങ്ങളെ അപേക്ഷിച്ച് റംസാന്‍ മാസത്തില്‍ ആരാധന കര്‍മ്മങ്ങള്‍ക്ക് പതിന്മടങ്ങ് പ്രതിഫലം ലഭിക്കുന്നു. പുണ്യങ്ങള്‍ വാരി കൂട്ടാന്‍ വിശ്വാസികള്‍ക്ക് ലഭിക്കുന്ന ഏറ്റവും നല്ല അവസരമാണിത്.


അമേരിക്കൻ ശാസ്ത്രജ്ഞർ നടത്തിയ ഏറ്റവും പുതിയ ഗവേഷണങ്ങൾ പറയുന്നത് ഒരുകൂട്ടം രോഗങ്ങളുടെ ചികിത്സക്ക് നോമ്പ് ഉപകരിക്കുമെന്നാണ്. 'ഫാം ഒക്ടേൽ' എന്ന ഫ്രഞ്ച് വാരികയാണ് വെളിപ്പെടുത്തിയത്. ചില രോഗങ്ങൾക്കുള്ള പ്രതിവിധിയായി നോമ്പിനെ ഉപയോഗിക്കാമെന്ന് അമേരിക്കൻ - ഇറ്റാലിയൻ ശാസ്ത്രജ്ഞരുടെ സംഘം നടത്തിയ പഠനമാണ് വ്യക്തമാക്കിയിട്ടുള്ളത്. മസ്തിഷ്ക്കത്തിലെ രക്തകുഴലുകളെ ബാധിക്കുന്ന അൾഷിമേഴ്സ്, പാർകിൻസൻസ് പോലുള്ള രോഗങ്ങൾക്ക് പ്രതിവിധിയായിട്ടാണ് ഇതിനെ കാണുന്നത്. ഭക്ഷണം കഴിക്കാതിരിക്കുമ്പോൾ  കലോറിയിൽ വരുന്ന കുറവ് തലച്ചോറിൻറെ പ്രവർത്തനങ്ങൾക്ക് സഹായകമാക്കുന്നു എന്ന് 'ബാൾട്ടിമോറിലെ നാഷണൽ  ഇൻസ്റ്റിട്യൂട്ട് ഓഫ് എയ്ജിങ് തലവൻ പ്രഫസർ  മാർക്ക് മാറ്റസണ്‍ പറയുന്നു.

തുടച്ചയായി നോമ്പ് എടുക്കുകയും പച്ചക്കറികൾ കൂടതലായി ഭക്ഷണത്തിൽ  ക്രമീകരിക്കുകയും ചെയ്താൽ ആർത്രെറ്റീസ് രോഗികൾക്ക് അതിൻറെ ഫലമായി വേദന കുറക്കാൻ കഴിയുമെന്നും പഠനങ്ങൾ  പറയുന്നു. അപ്രകാരം തന്നെ ഹൃദ്രോഗികൾക്കും ഉയന്ന രക്ത സമ്മദമുള്ളവർക്കും നോമ്പ് നല്ല ഫലമാണ് ഉണ്ടാക്കുന്നത്. എല്ലാമാസവും ഒരുദിവസം നോമ്പ് എടുക്കുന്നത് പ്രമേഹ രാഗത്തിൻറെ പ്രയാസങ്ങൾ ലഘൂകരിക്കുമെന്നും സൂചിപ്പിക്കുന്നു. അത് പോലെ കൊളസ്ട്രോളിനെ ശരീരം ഗ്ലൂക്കോസിനു പകരമായി ഉപയോഗിക്കുകയും അത് മുഖേന ശരീരത്തിലെ കൊഴുപ്പിൻറെ അളവ് കുറയുകയും ചെയ്യുന്നത് ചില അവയവങ്ങൾക്ക് ബാധിക്കുന്ന കാസറിനെ ചെറുക്കുന്നു.


നോമ്പ് കൊണ്ട് മാനവ സമൂഹത്തിനു ഒരുപാട് ഗുണങ്ങള്‍ ലഭിക്കുന്നുണ്ട്. ശാരീരികമായും,മാനസികമായും നിരവധി പരിവര്‍ത്തനങ്ങള്‍ ഉണ്ടാകുന്നു.
മനുഷ്യ ശരീരത്തിലെ നിരന്തരം ചലിക്കുന്ന ഭാഗങ്ങളായ ആമാശയം, കരള്‍, കിഡ്‌നി തുടങ്ങിയ അവയവങ്ങള്‍ക്ക് വിശ്രമം നല്‍കുന്നതിനുള്ള അവസരം കൂടിയാണ് നോമ്പ്. ഉദാഹരണത്തിന് നാം മറ്റു പതിനൊന്നു മാസങ്ങളിലും മൂന്ന് നേരമോ അതിലധികമോ നേരം ഭക്ഷണം കഴിക്കുമ്പോള്‍ നമ്മുടെ ശരീരത്തിലെ ആമാശയത്തിനു വിശ്രമമില്ലാത്ത ജോലിയാണ് ഉണ്ടാവുന്നത്,അതുപോലെ ശരീരത്തിലെ മറ്റു അവയവങ്ങങ്ങള്‍ക്കും വിശ്രമമില്ലാത്ത ജോലിയുണ്ടാവുന്നു.അതിനു വിശ്രമം നല്‍കപ്പെടുന്നു.

 പ്രവാചകന്‍ മുഹമ്മദ് മുസ്തഫ ( സ:അ ) മാനവ സമൂഹത്തോട് അരുളി, ഒരു നേരം ഭക്ഷണം കഴിക്കുന്നവന്‍ യോഗി,രണ്ടു നേരം ഭക്ഷണം കഴിക്കുന്നവന്‍ ത്യാഗി,മൂന്ന് നേരം ഭക്ഷണം കഴിക്കുന്നവന്‍ ഭോഗി,നാലും അതിലധികവും നേരം ഭക്ഷണം കഴിക്കുന്നവന്‍ രോഗിയെന്ന്.ആധുനിക വൈദ്യ ശാസ്ത്രം ഈ വിശേഷണം കണ്ടെത്തുന്നത് ഇന്നാണെങ്കില്‍ ആയിരത്തി നാന്നൂര്‍ വര്‍ഷങ്ങള്‍ക്കു മുമ്പ് വൈദ്യ ശാസ്ത്രം നിലവിലില്ലാത്ത കാലത്ത് ഈ മഹാ അധ്യാപനം മാനവ സമൂഹത്തോട് നടത്തിയ പ്രവാചക ചര്യ നാം മുറുകെ പിടിക്കണം.