സപ്പോട്ടയുടെ വാണിജ്യ കൃഷി

സപ്പോട്ടയുടെ 'ക്രിക്കറ്റ് ബോള്‍' എന്ന ഇനം വാണിജ്യവളര്‍ത്തലിന് മികച്ചതാണ്. ഒരു കായ 100-150 ഗ്രാംവരെ തൂങ്ങും. നല്ല ഒട്ടുതൈകള്‍ 60 x 60 x 60 സെ.മീ. വലിപ്പമുള്ള കുഴികളില്‍ 7 മീറ്റര്‍ x  7മീറ്റര്‍ അകലത്തില്‍ നടണം. പാകപ്പെട്ട കമ്പോസ്റ്റ്, പൊടിച്ച വേപ്പിന്‍ പിണ്ണാക്ക്, മണ്ണിരക്കമ്പോസ്റ്റ്, കയര്‍ പിത്ത് കമ്പോസ്റ്റ് എന്നിവ അടിവളമാക്കാം. അസോസ്‌പൈറില്ലം, വാം തുടങ്ങിയ ജീവാണുവളങ്ങള്‍ ചേര്‍ക്കാനായാല്‍ നന്ന്.

തുടക്കത്തില്‍ നന നിര്‍ബന്ധം. മണ്ണിരസത്ത്, ഗോമൂത്രം നേര്‍പ്പിച്ചത് എന്നിവ തളിച്ചാല്‍ രോഗ-കീട ബാധകള്‍ അകറ്റാം. ആദ്യത്തെ 4-5 വര്‍ഷം തൈകള്‍ക്കിടയില്‍ പച്ചക്കറികള്‍, നിലക്കടല മുതലായവ ഇടവിളയായി വളര്‍ത്തി ആദായമെടുക്കാം.

പൊറോട്ടയും ആരോഗ്യവും പിന്നെ ആ രോഗവും

കേരളത്തിലെ ഒരു പ്രധാന ഭക്ഷണമാണ് പൊറോട്ട. ഒട്ടുമിക്യ പരുപാടികളിലും ഭക്ഷണ വിഭവങ്ങളിൽ  ആദ്യം കാണപ്പെടുന്നത് പൊറോട്ടയാണ്. എതിനു പറയുന്നു ഒരു വീടു പണിയുണ്ടായാൽ അതിലെ പണിക്കാർക്ക് 10 മണിയുടെ നാസ്തക്ക് മിക്യവാറും ഇതായിരിക്കും. പ്രത്യേകിച്ച് പ്രധാന വാപ്പിന് പൊറോട്ടയും കൊഴിയും ഇല്ലങ്കിൽ പണിക്കാർക്കു തന്നെ പണി എടുക്കുവാൻ ഒരു ഉത്സാഹവും ഉണ്ടാകില്ല.

പൊറോട്ട ഉണ്ടാക്കുന്ന മൈദ എന്നു പറയുന്ന സാധനം കൂടുതലായി ഉപയോഗിച്ചിരുന്നത് വാൾ പോസ്റ്ററുകൾ ഒട്ടിക്കുന്നതിനായിരുന്നു. ഇന്നു അതിനു മാറ്റമൊന്നും വന്നിട്ടില്ല. പക്ഷെ ഒട്ടിക്കുന്നത് മനുഷ്യൻറെ വയറ്റിനകത്താണെന്ന് മാത്രം. മൈദ എന്നു പറയുന്ന സാധനം എന്താണെന്ന് അതു കഴിക്കുന്നവനൊ ഉണ്ടാക്കുന്നവനൊ വിൽക്കുന്നവനൊ അറിയില്ല.

കളിപ്പാട്ടങ്ങളെ സൂക്ഷിക്കുക

അപകടകരമായ ഘടകങ്ങളടങ്ങിയ നിരവധി കളിപ്പാട്ടങ്ങൾ  ഇന്ത്യ വിപണിയിൽ  സുലഭമാണ്. പലതും നിർമ്മിച്ചതെവിടെയാണെന്നോ ആരെന്നോ ആർക്കും അറിയില്ല. കുട്ടികൾ  ഉണ്ണുന്നതും ഉറങ്ങുന്നതും ഉണരുന്നതുമെല്ലാം ഈ കളിപ്പാട്ടങ്ങളുടെ കൂടെയാണ്.

യു.എസ്. ലെ ഏറ്റവും വലിയ കളിപ്പാട്ടകമ്പനിയായ മെറ്റൽ  ഇൻക് കോടിക്കണക്കിന് കളിപ്പാട്ടങ്ങൾ  വിപണിയിൽ നിന്ന് പിൻവലിച്ചിരിക്കുന്നത് ലെഡ്ഡും ക്രോമിയവും പോലെയുള്ള അപകടകരമായ പദാർഥങ്ങളുടെ സാനിധ്യം ഉള്ളതുകൊണ്ടാണ്.

മാധുര്യമേറും വിദേശ ചാമ്പകള്‍

വേനല്‍ക്കാലത്ത് നിറയെ ചുവന്നു തുടുത്ത പഴങ്ങളുമായി നില്‍ക്കുന്ന ചാമ്പകള്‍ നമ്മുടെ കണ്ണുകള്‍ക്ക് കൗതുകം പകരും. കുട്ടികള്‍ ഇവയുടെ കായ്കള്‍ പറിച്ച് തിന്നാറുണ്ടെങ്കിലും മുതിര്‍ന്നവര്‍ പുളിരസം കാരണം പലപ്പോഴും ഇത് കഴിക്കാറില്ല. ഗൃഹാതുര ഓര്‍മ്മകള്‍ ഉണര്‍ത്തുന്ന ഈ ചെറുവൃക്ഷം പുളിയുടെ പേരു പറഞ്ഞ് പലരും വെട്ടിക്കളഞ്ഞു. എന്നാല്‍ പുളിരസം തീരെയില്ലാത്ത മാധുര്യമേറിയ വലിയ പഴങ്ങള്‍ ലഭിക്കുന്ന പല വിദേശ ചാമ്പയിനങ്ങളും നാട്ടില്‍ ഇപ്പോള്‍ താരങ്ങളായിക്കഴിഞ്ഞു.

ഔഷധസമ്പൂര്‍ണം മുരിങ്ങ

മുരിങ്ങയുടെ ഇലകള്‍ ജലാംശം, പ്രോട്ടീന്‍, കൊഴുപ്പ്, അന്നജം, നാരുകള്‍, കാല്‍സ്യം, ഫോസ്ഫറസ്, അയഡിന്‍, ഇരുമ്പ്, ചെമ്പ്, കരോട്ടിന്‍, അസ്‌കോര്‍ബിക് അമ്ലം, നിക്കോട്ടിനിക് അമ്ലം തുടങ്ങിയ രാസഘടകങ്ങളാല്‍ സമൃദ്ധമാണ്.

ഇപ്രകാരമുള്ള മുരിങ്ങയില കണ്ണിന് നല്ലതാണ്. വേദനാ ശമിപ്പിക്കാനും കൃമികളെ നശിപ്പിക്കാനും മുരിങ്ങയില ഫലപ്രദമാണ്.

മുരിങ്ങ പൂക്കളില്‍ ധാരാളമായി പൊട്ടാസ്യവും കാല്‍സ്യവും അടങ്ങിയിരിക്കുന്നു. പുഷ്പങ്ങള്‍ ബലത്തെ പ്രദാനം ചെയ്യുന്നതും മൂത്രവര്‍ധകവുമാകുന്നു.

രുചിയില്‍ കയ്‌പ്പും ഗുണത്തില്‍ മധുരവും

ഔഷധഗുണത്തിന്‍റെ കാര്യത്തില്‍ പാവയ്‌ക്ക നിസാരക്കാരനല്ല. രുചികൊണ്ടും രൂപംകൊണ്ടും ആകര്‍ഷകമല്ലാതിരുന്നിട്ടും വിഭവങ്ങളില്‍ പ്രധാനിയാവാന്‍ ഭാഗ്യമുള്ള പച്ചക്കറിയാണ്‌ പാവയ്‌ക്ക. പാവയ്‌ക്ക അല്ലെങ്കില്‍ കയ്‌പക്ക എന്നു കേള്‍ക്കുമ്പോൾ തന്നെ നാവിലൊരു കയ്‌പുരസം ഊറിവരും. മറ്റു പച്ചക്കറികളെ അപേക്ഷിച്ച്‌ കാഴ്‌ചയില്‍ അത്ര ചന്തമൊന്നും പാവയ്‌ക്കക്കില്ല. എന്നാല്‍ ഔഷധഗുണത്തിന്‍റെ കാര്യത്തില്‍ പാവയ്‌ക്ക നിസാരക്കാരനല്ല.

വ്യത്യസ്‌തമായ നിരവധി വിഭവങ്ങളാണ്‌ പാവയ്‌ക്കകൊണ്ട്‌ ഉണ്ടാക്കുന്നത്‌. പാവയ്‌ക്ക ഉപ്പേരി, അവിയല്‍, തീയല്‍ തുടങ്ങി നാവില്‍ രുചിയൂറുന്ന വിഭവങ്ങളായി പാവയ്‌ക്ക മലയാളിയുടെ തീന്‍മേശയിലെത്തുന്നു. പാവയ്‌ക്ക ചെറു കഷണങ്ങളാക്കി മുറിച്ച്‌ വേവിച്ച്‌ ഉണക്കി തയാറാക്കുന്ന കൊണ്ടാട്ടം ഏതവസരത്തിലും ഉപയോഗിക്കാവുന്ന വിഭവമാണ്‌.

റമ്പൂട്ടാന്‍റെ രണ്ടു പുതിയ ഇനങ്ങള്‍

റമ്പൂട്ടാന്‍റെ രണ്ടു പുതിയ ഇനങ്ങള്‍ ബാംഗ്ലൂരിലെ 'ഇന്ത്യന്‍ ഹോര്‍ട്ടിക്കള്‍ച്ചര്‍ ഗവേഷണ ഇന്‍സ്റ്റിറ്റിയൂട്ട്' കണ്ടെത്തി. കേരളം ഉള്‍പ്പെടെയുള്ള ദക്ഷിണേന്ത്യന്‍ സംസ്ഥാനങ്ങളില്‍ വാണിജ്യാടിസ്ഥാനത്തില്‍ കൃഷിചെയ്യാന്‍ യോജിച്ചതാണ് ഇവ.

അര്‍ക്കകൂര്‍ഗ് അരുണ്‍ എന്ന ഇനം ചുവന്ന പുറന്തോടുള്ളതും സാമാന്യം പടര്‍ന്ന് വളരുന്നതുമാണ്. സപ്തംബര്‍-ഒക്ടോബറില്‍ കായ്കള്‍ പാകമാവും. ഒരു മരത്തില്‍നിന്ന് 750 മുതല്‍ 1000 പഴങ്ങള്‍വരെ വിളവെടുക്കാന്‍ സാധിക്കും. 40 മുതല്‍ 45 ഗ്രാമാണ് കായയുടെ ഭാരം.

അര്‍ക്ക കൂര്‍ഗ്പതിബ് മഞ്ഞ പുറന്തോടുള്ള ഇനമാണ്. സപ്തംബര്‍- ഒക്ടോബറാണ് കായ്കള്‍ വിളയുന്ന കാലം. 1200 മുതല്‍ 1500 വരെ പഴങ്ങളാണ് ഒരു മരത്തില്‍നിന്ന് ലഭിക്കുക. കായയുടെ ഭാരം 25 മുതല്‍ 30 ഗ്രാം. ഈയിനങ്ങളുടെ കായ്കള്‍ മധുരത്തിലും വിറ്റാമിന്‍ സി യുടെ അളവിലും മെച്ചപ്പെട്ടതാണ്.

കേരളത്തില്‍ റമ്പൂട്ടാന്‍ മികച്ച രീതിയില്‍ത്തന്നെ വിളയുന്നുണ്ട്. റമ്പൂട്ടാന്‍ പഴങ്ങള്‍ക്കു വിപണന സാധ്യതയും ഏറിവരുന്നു. കൂടുതല്‍ വിവരങ്ങള്‍ക്ക് ഇന്ത്യന്‍ ഹോര്‍ട്ടിക്കള്‍ച്ചര്‍ ഗവേഷണ കേന്ദ്രവുമായി 080- 28466420 എന്ന ഫോണ്‍ നമ്പറില്‍ ബന്ധപ്പെടാം.

ജി.എസ്. ഉണ്ണികൃഷ്ണന്‍ നായര്‍

ക്യാന്‍സറിന്‍റെ എട്ട് ലക്ഷണങ്ങള്‍

ചുമച്ച് ചുമച്ച് തുപ്പുന്ന കഫത്തില്‍ രക്തത്തിന്‍റെ സാന്നിധ്യമുണ്ടോ? ശ്വാസോച്ഛാസം ചെയ്യുമ്പോള്‍ എന്തെങ്കിലും ബുദ്ധിമുട്ട് അനുഭവപ്പെടുന്നുണ്ടോ? എങ്കില്‍ ഉടന്‍ ഒരു ഡോക്ടറെ കാണുക. കാരണം ഇവ ക്യാന്‍സര്‍ എന്ന മാരകരോഗത്തിന്‍റെ പ്രാരംഭ ലക്ഷണമാകാം. ബ്രിട്ടണിലെ കീല്‍ സര്‍വകലാശാ‍ലയിലെ ശാസ്ത്രജ്ഞരാണ് ക്യാന്‍സര്‍ രോഗത്തിന്‍റെ എറ്റവും അടുത്ത എട്ട് ലക്ഷണങ്ങള്‍ കണ്ടെത്തിയിരിക്കുന്നത്.

മൂത്രത്തില്‍ രക്തത്തിന്‍റെ അംശം കാണുക, വിളര്‍ച്ച, സ്തനങ്ങളിലെ മുഴകള്‍, ആര്‍ത്തവ വിരാമശേഷമുള്ള അസാധാരണ രക്തസ്രാവം, പ്രോസ്റ്റേറ്റിലെ മുഴകള്‍, മലദ്വാരത്തിലൂടെയുളള രക്തസ്രാവം എന്നിവയാണ് ക്യാന്‍സറിനോട് അടുത്ത് നില്‍ക്കുന്ന മറ്റ് ലക്ഷണങ്ങള്‍.



ഇത്തരം ലക്ഷണങ്ങളെല്ലാം ക്യാന്‍സര്‍ രോഗമാവണമെന്ന് നിര്‍ബന്ധമില്ലെങ്കിലും ഇവയിലേതെങ്കിലും ഒരു ലക്ഷണമുണ്ടെങ്കില്‍ അത് ക്യാസറിന്‍റെ തുടക്കമാകാനുള്ള സാധ്യത 20 ശതമാനം കൂടുതലാണെന്നും ശാസ്ത്രജ്ഞര്‍ കണ്ടെത്തി. ഈ ലക്ഷണങ്ങളില്‍ ഏതെങ്കിലും ഒന്ന് ശ്രദ്ധയില്‍പ്പെടുന്ന നിമിഷം ഡോക്ടറെ കണ്ട് വിദഗ്ധ പരിശോധനയ്ക്ക് വിധേയനാവണമെന്നും ശാസ്ത്ര സംഘം നിര്‍ദേശിച്ചു.

55 വയസ്സിനു താഴെ ഉള്ളവരില്‍ സ്തനങ്ങളിലെ മുഴകളും മലദ്വാരത്തിലൂടെയുള്ള രക്തസ്രാവവുമാ‍ണ് ക്യാന്‍സറിന്‍റെ പ്രധാന ലക്ഷണങ്ങളായി കണ്ടെത്തിയത്. 55 വയസ്സ് കഴിഞ്ഞവരില്‍ പ്രത്യേകിച്ചും പുരുഷന്‍‌ന്‍‌മാരില്‍ ശ്വാസോച്ഛാസത്തിനുള്ള ബുദ്ധിമുട്ട് അന്നനാള ക്യാന്‍സറിന്‍റെ ലക്ഷണമാകാം.

60 വയസ്സിനുമേലുള്ള പുരുഷന്‍മാരിലും സ്ത്രീകളിലും മൂത്രത്തില്‍ രക്തത്തിന്‍റെ അംശം കാണപ്പെടുന്നുവെങ്കില്‍ ഉടന്‍ ഒരു ഡോക്ടറെ കണ്ട് പരിശോധനയ്ക്ക് വിധേയനാകണം. എന്നാല്‍ ഈ ലക്ഷണങ്ങള്‍ കണ്ട് തുടങ്ങുമ്പോഴെ അത് ക്യാന്‍സര്‍ ആണെന്ന് ഉറപ്പിച്ച് നീറി നീറി മരിക്കേണ്ടെന്നും ശാസ്രജ്ഞര്‍ മുന്നറിയിപ്പ് നല്‍കുന്നു.

എങ്കിലും ഈ ലക്ഷണങ്ങള്‍ കണ്ട് തുടങ്ങുമ്പോള്‍ തന്നെ ചികിത്സയ്ക്ക് വിധേയനാവുന്നത് ക്യാന്‍സര്‍ തുടക്കത്തിലേ കണ്ടെത്താനും പുതുജീവിതത്തിലേയ്ക്ക് രോഗിയെ തിരിച്ചുകൊണ്ടുവരാനും വഴിയൊരുക്കും.

'മുള്ളന്‍ചക്ക'

കേരളത്തില്‍ പരക്കെ കണ്ടിരുന്നതും ഇപ്പോള്‍ അപൂര്‍വവുമായ 'മുള്ളന്‍ചക്ക' എന്ന 'മുള്ളാത്ത' തിരിച്ചുവരവിന്‍റെ പാതയിലാണ്. കായ്കളിലും ഇലയിലുമൊക്കെ അടങ്ങിയിരിക്കുന്ന 'അസറ്റോജനിനസ്' എന്ന ഘടകം അര്‍ബുദത്തെ നിയന്ത്രിക്കുമെന്ന കണ്ടുപിടിത്തം മുള്ളന്‍ചക്കയെ പ്രശസ്തമാക്കിക്കഴിഞ്ഞു.

ചെറുവൃക്ഷമായി ശാഖകളോടെ വളരുന്ന ഇവയുടെ ഇലകള്‍ ചെറുതും തിളങ്ങുന്ന പച്ചനിറമുള്ളവയുമാണ്. 'അനോന മ്യൂരിക്കേറ്റ' എന്ന ശാസ്ത്രനാമത്തില്‍ അറിയപ്പെടുന്ന ഇതിന്‍റെ ഇംഗ്ലീഷ് പേര് 'സോര്‍സോപ്പ' എന്നാണ്. 

അര്‍ബുദരോഗികള്‍ ഇവയുടെ പഴം കഴിക്കുന്നതോടൊപ്പം ഇല ഉപയോഗിച്ച് നിര്‍മിക്കുന്ന കഷായം വ്യാപകമായി ഉപയോഗിച്ചുവരുന്നു. വേനലാണ് മുള്ളന്‍ചക്കയുടെ പ്രധാന പഴക്കാലം. ചെറുശാഖകളില്‍ ഉണ്ടാകുന്ന കായ്കള്‍ വലുതും പുറത്ത് മുള്ളുനിറഞ്ഞതുമാണ്. പാകമാകുമ്പോള്‍ ഇവ മഞ്ഞനിറമാകും. കൈതച്ചക്കയുടെ രുചിയുമായി സാമ്യമുള്ളതാണ് ഇവയുടെ പള്‍പ്പിന്‍റെ സ്വാദ്. പഴക്കാമ്പില്‍ ജീവകങ്ങളായ സി, ബി-1, ബി-2, നാരുകള്‍, കാര്‍ബോഹൈഡ്രേറ്റ് എന്നിവ സമൃദ്ധമായി ഉണ്ട്.

മുള്ളാത്തയുടെ വിത്തുകള്‍ മണലില്‍ വിതച്ച് കിളിര്‍ത്ത തൈകള്‍ കൂടകളില്‍ മാറ്റിനട്ട് വളര്‍ന്നശേഷം തോട്ടത്തില്‍ കൃഷിചെയ്യാം.
നേരിയ ജലാംശമുള്ള വളക്കൂറ് നിറഞ്ഞ സൂര്യപ്രകാശം ലഭിക്കുന്ന സ്ഥലമാണ് കൃഷിക്ക് യോജ്യം. പരിചരണം കൂടാതെതന്നെ മുള്ളാത്ത മൂന്നുനാല് വര്‍ഷത്തിനുള്ളില്‍ പുഷ്പിച്ച് ഫലം തന്നുതുടങ്ങും.

രാജേഷ് കാരപ്പള്ളില്‍