എഴുതിയത് അബ്ദുല് മജീദ്.പി.
ലൂത്തിനെ
നാം ദൈവദൂതനായി നിയോഗിച്ചു. അദ്ദേഹം സ്വജനത്തോട് പറഞ്ഞതോര്ക്കുക:
നിങ്ങള് നോക്കിനില്ക്കെ അശ്ലീല കൃത്യങ്ങള് ചെയ്യുന്നുവെന്നോ? സ്ത്രീകളെ
വെടിഞ്ഞു കാമപൂര്ത്തിക്കായി പുരുഷന്മാരെ പ്രാപിക്കുകയോ? സത്യത്തില്
കടുത്ത അവിവേകമാകുന്നു നിങ്ങള് ചെയ്യുന്നത്. എന്നാല് അദ്ദേഹത്തിന്റെ
ജനത്തിന്റെ മറുപടിയോ, ഇപ്രകാരം ഘോഷിച്ചതു മാത്രമായിരുന്നു:
ലൂത്ത്കുടുംബത്തെ നമ്മുടെ നഗരത്തില്നിന്നു നാടുകടത്തുക. അവര് വലിയ
വിശുദ്ധി ചമയുന്നവരാകുന്നു. ഒടുവില് അദ്ദേഹത്തെയും കുടുംബത്തെയും നാം
രക്ഷിച്ചു; അദ്ദേഹത്തിന്റെ ഭാര്യയെയൊഴിച്ച്. അവള് പിറകിലായിപ്പോകണമെന്ന്
നാം തീരുമാനിച്ചിട്ടുണ്ടായിരുന്നു. അവരുടെ മേല് നാം ഒരു പേമാരി
വര്ഷിച്ചു. മുന്നറിയിപ്പ് ലഭിച്ചവരെ സംബന്ധിച്ചേടത്തോളം അതിദുഷ്ടമായ
മഴതന്നെയായിരുന്നു അത്'.