മുന്തിരി ജ്യൂസും ഉണക്കമുന്തിരിയും പോഷകസമൃദ്ധമായ ഭക്ഷണമാണെന്നാണ് പഠനഫലം പറയുന്നത്.
മുന്തിരിയുടെ ലഹരിമുക്തമായ എല്ലാ രൂപവും കുട്ടികള്‍ക്കും മുതിര്‍ന്നവര്‍ക്കും ഒരുപോലെ ആരോഗ്യപ്രദമാണ്.
21,800 പേരുടെ അഞ്ചു വര്‍ഷത്തെ ആഹാരരീതി നിരീക്ഷിച്ചാണ് പഠനം നടത്തിയത്. ഇവരില്‍ മുന്തിരിയും മുന്തിരി ഉല്‍പന്നങ്ങളും സ്ഥിരമായി ഉപയോഗിക്കുന്നവരില്‍ കാല്‍സ്യം, പൊട്ടാസ്യം, വിറ്റാമിന്‍ എ, വിറ്റാമിന്‍ സി, വിറ്റാമിന്‍ ബി 6, നാരുകള്‍ എന്നിവ മറ്റുള്ളവരേക്കാള്‍ കൂടുതലായി കണ്ടെത്തി.
ഇവര്‍ക്ക് കൂടുതലായി പച്ചക്കറികളും ധാന്യങ്ങളും മറ്റും കഴിക്കാനാകുന്നതായും ഇവരില്‍ കൊഴുപ്പിൻറെയും കൊളസ്ട്രോളിൻറെയും തോത് കുറവായും കാണപ്പെട്ടു.
പഠനഫലം ഫിലഡെല്‍ഫിയയിലെ അക്കാദമി ഓഫ് നുട്രീഷന്‍ ആന്‍ഡ് ഡയറ്റിക്സ് ഫുഡിലും നുട്രീഷന്‍ കോണ്‍ഫറന്‍സ് ആന്‍ഡ് എക്സ്പൊസിഷനിലും അവതരിപ്പിച്ചു.
No comments:
Post a Comment