scrool

പ്രിയ വായനക്കാർക്ക് തുറന്ന ജാലകത്തിലേക്ക് സ്വാഗതം. ഇവിടെ എൻറെ കുറച്ച് അനുഭവങ്ങളും എനിക്ക് കിട്ടിയ അറിവുകളും നിങ്ങൾക്ക് വേണ്ടി ഞാൻ പങ്കുവെക്കുന്നു.

Tuesday, September 10, 2013

പോഷകാഹാരക്കുറവും കുട്ടികളുടെ പഠനവും

ലണ്ടന്‍: ലോകത്തിലെ കുട്ടികളില്‍ നാലിലൊരു ഭാഗം പോഷകാഹാരക്കുറവിന്റെ പ്രശ്നങ്ങള്‍ അനുഭവിക്കുന്നവരാണെന്ന് ഇംഗ്ളണ്ടിലെ ‘സേവ് ദ ചില്‍ഡ്രന്‍’ എന്ന സന്നദ്ധ സംഘടന.

സ്കൂളുകളില്‍ പഠനത്തിലും മറ്റും പിറകോട്ട് പോവുന്ന കുട്ടികളില്‍ ഭൂരിഭാഗവും പോഷകാഹാരക്കുറവ് അനുഭവിക്കുന്ന കുട്ടികളാണ്. ഇത് കുട്ടികളുടെ വായിക്കാനും എഴുതാനുമുള്ള കഴിവിനെ ബാധിക്കുന്നതായി പഠനങ്ങളില്‍ തെളിഞ്ഞിട്ടുണ്ട്.


പോഷകഹാരക്കുറവുള്ള കുട്ടികള്‍ മെലിഞ്ഞും ശോഷിച്ചുമാണ് കാണപ്പെടുന്നത്. അവരുടെ തലച്ചോറിന്റെ വികസനവും അപൂര്‍ണമായിരികകുമെന്ന് പഠനങ്ങള്‍ ചൂണ്ടിക്കാണിക്കുന്നു.

ലളിതമായ കാര്യങ്ങള്‍ പോലും പഠിക്കാന്‍ കഴിയാത്ത അവസ്ഥതയിലേക്ക് ഇത് കുട്ടികളെ എത്തിക്കുന്നു. എത്യോപ്യ, ഇന്ത്യ, പെറു, വിയറ്റ്നാം തുടങ്ങിയ രാജ്യങ്ങിലെ കുട്ടികളെയാണ് പഠന വിധേയമാക്കിയത്.